Puo ya letswele hana ka puo e se timele lemeng la Rantsho,
Ikatele nnake tse ding dipuo di se ke tsa wa ka wena,
Wa qhekanyetswa,
wa jaka ka la hao leleme,
Neena ho ba mojaki kapa yena mofo ‘fatsheng la hao.
Naba jwaloka mokopu lemeng la Mosotho,
Lokololloha nnake ‘fatshe lena ke la hao
Phatsa ‘tjhaba sa hao ka tlhaka ya hao e tukang malakabe.
Maleme a hopole puo, melomo e dutle puo.
O tlale lefatshe,
o kgantshe lefatshe, o ikgantshe.
Mosotho a kgabe ka ya hae puo,
A e behe sehlohlolong,
a ikonke ka yona.
Bosotho bo se timele,
bo phalle ka kotloloho mading.
Tse ding dipuo di kgahlwe ke botle ba leleme.
Bokgowanatshwana ba hlobaele!
